پاکستانی کھلاڑی سے تماشائی کی بدتمیزی
ڈبلن میں پاکستان اور آئرلینڈ کے درمیان میچ کے دوران قومی کرکٹر شاہین آفریدی کو تماشائیوں کی جانب سے گالی گلوچ کی گئی۔
قومی ٹیم کے فاسٹ بولر شاہین آفریدی نے تماشائی کی بدتمیزی کو نظر انداز کردیا جس کے بعد سیکیورٹی گارڈز تماشائی کو میدان سے باہر لے گئے۔
گزشتہ روز ڈبلن میں کھیلے گئے دوسرے ٹی ٹوئنٹی میچ میں پاکستان نے آئرلینڈ کو 7 وکٹوں سے شکست دی اور اس فتح کے ساتھ ہی قومی ٹیم کی سیریز میں واپسی ہوئی۔
گرین شرٹس نے 194 رنز کا ہدف 17ویں اوور میں پورا کر لیا، فخر زمان نے 6 چھکوں اور 6 چوکوں کی مدد سے 40 گیندوں پر 78 رنز بنائے، محمد رضوان نے 75 رنز کی ناقابل شکست اننگز کھیلی۔
واضح رہے کہ ٹی ٹوئنٹی سیریز 3 کے پہلے میچ میں آئرلینڈ نے پاکستان کو 5 وکٹوں سے شکست دی تھی۔