اسرائیل نے درمیانی شب غزہ کی پٹی کے مختلف علاقوں پر گولہ باری کی جس کے نتیجے میں آٹھ افراد شہید ہوگئے۔

رات گئے اسرائیل نے غزہ کی پٹی کے مختلف علاقوں پر بمباری کی جس کے نتیجے میں آٹھ فلسطینی شہید ہوگئے۔

غیر ملکی میڈیا رپورٹس کے مطابق اسرائیل نے غزہ کی پٹی کے جنوب، مرکز اور شمال میں گھروں اور خیموں پر بمباری کی جس سے متاثرین کی تعداد میں اضافہ ہوا۔

دوسری جانب امریکی وزیر دفاع کا کہنا ہے کہ اسرائیل کی حفاظت کے لیے ایف 22 لڑاکا طیارے بھی خطے میں پہنچ چکے ہیں۔

ایک امریکی سینئر سرکاری اہلکار نے اپنا نام بتائے بغیر ایک برطانوی خبر رساں ایجنسی کو بتایا کہ اگر ایران نے اسرائیل پر حملہ کیا تو اسے سنگین نتائج کا سامنا کرنا پڑے گا۔

ادھر قطر، مصر اور امریکہ نے حماس اور اسرائیل کو 15 اگست کو غزہ کی پٹی میں جنگ بندی کے لیے مذاکرات شروع کرنے کی دعوت دی۔