سابق وزیر اعظم نے منی لانڈرنگ کیس خفیہ رکھنے کا اعتراف کرلیا

اڈیالہ جیل میں میڈیا سے بات کرتے ہوئے پی ٹی آئی کے بانی نے کہا کہ 190 ملین روپے کے معاہدے کی رازداری ریئل اسٹیٹ ٹائیکون اور نیشنل کرائم ایجنسی کا مطالبہ تھا۔

انہوں نے کہا کہ برطانیہ میں 190 ملین پاؤنڈ منی لانڈرنگ کی وجہ سے نہیں بلکہ مشکوک لین دین کی وجہ سے پکڑے گئے تھے۔

ماضی میں فرح گوگی کا دفاع کرنے والے پی ٹی آئی کے بانی نے آج بھی فرح گوگی سے لاتعلقی کا اظہار کردیا۔ انہوں نے کہا کہ فرح گوگی بشریٰ بی بی کی دوست تھیں۔

جب شہزاد اکبر سے متعلق سوال کیا گیا تو پی ٹی آئی کے بانی نے کہا کہ شہزاد اکبر کو پاکستان آنے پر ایئرپورٹ سے گرفتار کر لیا جائے گا۔

گفتگو کے دوران پی ٹی آئی کے بانی نے ملک کی صورتحال پر آرمی چیف کو خط لکھنے کا عندیہ بھی دیا۔

صحافیوں سے گفتگو کرتے ہوئے شیر افضل مروت پر تنقید کرتے ہوئے انہوں نے کہا کہ شیر افضل ہر دوسرے دن پارٹی سربراہ پر حملہ کرتے ہیں۔ انہوں نے سعودی وفد کے دورے کے حوالے سے بھی متنازعہ بیانات دئیے۔

شیر افضل مروت کو اجلاس میں نہ بلانے کا سوال کیا گیا تو بانی پی ٹی آئی بغیر کوئی جواب دیے چلے گئے۔