صوابی جلسے میں شرکت کے بعد کراچی جانے والی تحریک انصاف خواتین گروپ کی وین حادثے کا شکار ہوگئی۔

فیصل آباد: صوابی میں پی ٹی آئی کے جلسے میں شریک خواتین کو لے جانے والی وین کو حادثہ پیش آیا جس کے نتیجے میں 6 خواتین سمیت 9 افراد زخمی ہوگئے۔

پولیس ذرائع کے مطابق کراچی سے تعلق رکھنے والے پی ٹی آئی کے ارکان گزشتہ رات صوابی میں جلسے کے بعد وین میں ہائی وے پر واپس آرہے تھے کہ فیصل آباد کے قریب پنڈی بھٹیاں کے علاقے میں وین ٹرک سے ٹکرا گئی۔

حادثے کے نتیجے میں وین میں سوار 9 افراد زخمی ہوگئے جن میں 6 خواتین بھی شامل ہیں۔