سردار سلیم حیدر خان نے گورنر پنجاب کے عہدے کا حلف اٹھا لیا۔

گورنر پنجاب کی حلف برداری کی تقریب گورنر ہاؤس لاہور میں ہوئی جس میں وزیراعلیٰ پنجاب مریم نواز، پیپلز پارٹی کے چیئرمین بلاول بھٹو اور دیگر نے شرکت کی۔

سردار سلیم حیدر کا تعلق ضلع اٹک سے ہے اور وہ سابق وفاقی وزیر بھی رہ چکے ہیں۔ اس کے علاوہ وہ پیپلز پارٹی راولپنڈی یونٹ کے صدر بھی ہیں۔

سردار سلیم حیدر خان اوورسیز پاکستانیوں کے معاون خصوصی اور وزیر مملکت برائے دفاع و دفاعی پیداوار بھی تھے۔

وہ 2008 میں اٹک سے این اے 59 سے ایم این اے منتخب ہوئے تھے۔