گیمنگ زون میں آتشزدگی سے متعدد افراد ہلاک

بھارتی میڈیا کے مطابق ریاست گجرات کے شہر راجکوٹ میں ہفتے کی شام گیمنگ زون میں آگ بھڑک اٹھی جس کے نتیجے میں 9 بچوں سمیت 27 افراد ہلاک ہوگئے۔

بھارتی میڈیا کے مطابق گجرات پولیس نے گیمنگ زون کے اندر ایک عارضی پلاٹ میں آگ لگنے پر ٹی آر پی گیمنگ زون کے اونل نتن جین سمیت تین افراد کو گرفتار کر لیا۔

اطلاعات کے مطابق متعدد افراد زخمی ہیں اور ہلاکتوں میں اضافے کا خدشہ ہے۔

گجرات کے وزیر اعلیٰ بھوپندر بھائی پٹیل نے متعلقہ حکام کو زخمیوں کے علاج کے لیے فوری اقدامات کرنے کی ہدایت کی اور مرنے والے ہر فرد کے لیے 400,000 روپے کی ادائیگی کا اعلان بھی کیا۔

رپورٹ کے مطابق حکام نے واقعہ کی تحقیقات کے لیے سینئر آئی پی ایس افسر سبھاش ترویدی کی قیادت میں ایک تحقیقاتی ٹیم تشکیل دی ہے۔