بیرسٹر گوہر نے قومی اسمبلی اجلاس بلانے پر سوالات اٹھا دیئے

اسلام آباد میں میڈیا سے گفتگو کرتے ہوئے بیرسٹر گوہر خان کا کہنا تھا کہ سازشی طریقے اختیار کر کے پی ٹی آئی سے انتخابی نشان بلا لیا گیا جس کے بعد پی ٹی آئی امیدواروں نے آزاد نشانات پرالیکشن لڑا۔

پی ٹی آئی رہنما کا کہنا تھا کہ ہمارے 86 ایم این ایز نے سنی اتحاد کونسل میں شمولیت اختیار کی ، سنی اتحاد کونسل نے مخصوص نشستوں کے حوالے سے 4 درخواستیں الیکشن کمیشن کو بھیجیں، قومی اسمبلی میں 60 خواتین کی اور 10 اقلیتی نشستیں مخصوص ہیں، امید ہے کل الیکشن کمیشن میں فیصلہ ہو جائے گا۔

بیرسٹر گوہر کا کہنا تھا کہ مخصوص نشستوں کے فیصلے تک قومی اسمبلی کا اجلاس نہیں ہوسکتا اور اگر اجلاس بلایا گیا تو وہ غیر قانونی ہوگا، سنی اتحاد کونسل کی مخصوص نشستوں پر کسی اور کا حق نہیں، الیکشن کمیشن کے ہر فیصلے نے ہمارے آئینی حق کا تحفظ نہیں کیا۔