وہ شخص کامیاب نہیں ہوتا جس پر نا کامی کا خوف کامیابی سے زیادہ ہو، آپ نے گھبرانا نہیں ہے : نوازشریف

مسلم لیگ ( ن ) کے قائد اور سابق وزیر اعظم نواز شریف نے کہا ہے کہ نوجوان خود کو انتشار اور بدتہذیبی سے دور رکھیں۔

شریف میڈیکل ٹرسٹ کے کانووکیشن کی تقریب سے خطاب کرتے ہوئے سابق وزیر اعظم نواز شریف کا کہنا تھا کہ کامیاب ہونے والے طلبا کو مبارکباد پیش کرتا ہوں، آپ کی محنت نے آپ کو اس مقام پر پہنچایا ہے۔

نواز شریف کا کہنا تھا کہ کامیاب طلبا عملی زندگی میں پاکستان کی خدمت کر رہے ہیں، طلبا پاکستان کا مستقبل اور قومی سرمایہ ہیں۔

قائد ن لیگ کا کہنا تھا کہ شریف میڈیکل ٹرسٹ میں میرٹ کی بنیاد پر تعلیم دی جاتی ہے۔

انہوں نے مزید کہا کہ ناکامی کے خوف والے کبھی بھی کامیاب نہیں ہوسکتے، نوجوان خود کو انتشار اور بدتہذیبی سے دور رکھیں۔