ناشتے میں یہ غذائیں کھانے سے دل کے دورے سے بچا جا سکتا ہے۔

یہ دعویٰ طبی تحقیق میں ثابت ہو چکا ہے۔

بی ایم سی پبلک ہیلتھ جریدے میں شائع ہونے والی ایک تحقیق میں بتایا گیا ہے کہ ناشتے میں کیلشیم سے بھرپور غذائیں کھانے سے دل کے دورے کا خطرہ کم ہوجاتا ہے۔

اس تحقیق میں 36,000 سے زائد افراد کو شامل کیا گیا اور اس بات کا جائزہ لیا گیا کہ ناشتے اور رات کے کھانے میں کیلشیم کی مقدار کو کم کرنے سے دل کے دورے سمیت کورونری دل کی بیماری کا خطرہ کیسے کم ہوتا ہے۔

اس تحقیق میں بتایا گیا کہ رات کے کھانے میں کیلشیم کی مقدار میں 5 فیصد کمی اور ناشتے میں 5 فیصد اضافے سے دل کے دورے اور دیگر امراض قلب کا خطرہ 6 فیصد تک کم ہو جاتا ہے۔

تحقیق سے پتہ چلتا ہے کہ غذائی کیلشیم خون میں چکنائی، لپڈ کی سطح اور بلڈ پریشر کو بہتر بناتا ہے، یہ تینوں دل کی بیماری کے لیے خطرے کے بڑے عوامل ہیں۔

دودھ، دہی، مچھلی اور ہری پتوں والی سبزیاں جیسے پالک میں کیلشیم کی بھرپور مقدار ہوتی ہے۔

کیلشیم آپ کی اندرونی گھڑی کے کام کے لیے ایک اہم غذائیت ہے۔